Qaraǵandylyq turǵyn 3 jasar balasynyń ólimine dárigerlerdi kinálap otyr
Qaraǵandy oblysy, Abaı aýdany, ıÝjnyı kentiniń turǵyny Dıana Jumabekova ulyna medıtsınalyq kómek surap, dárigerlerge bes ret júgingenin aıtady. 12 shildede otbasymen ózenge baryp kelgennen keıin balanyń ystyǵy kóterilgen. Ulynyń ystyǵyn túsire almaǵandyqtan jáne ol qusa bastaǵanyn kórip, jergilikti medbıkeni shaqyrǵan. Ol balaǵa ystyqty túsiretin ınektsııa jasaǵan. Keshke balanyń temperatýrasy qaıta kóterilip, úıge jedel járdem shaqyrylǵan. Biraq Dıananyń aıtýynsha, feldsherler bul ýchaskege qyzmet kórsetpeıtinin aıtyp, kelýden bas tartqan.
Tańerteń ulymen birge ol Topar aýylyndaǵy aýdandyq aýrýhanaǵa barady. Alannyń anasynyń sózinshe, sábıdi ol jerde de durys teksermegen.
«Biz aýrýhanaǵa keldik, biraq dárigerler janymyzǵa taıanǵan joq. Biraz kúttik, otyrdyq. Al kezekshi dáriger tipti, kelmedi. Tańǵy 9-dan 12-ge deıin Topar kentindegi aýrýhananyń qabyldaý bóliminde otyrdyq. Sodan keıin hırýrg tómen túsip, aıaǵyn rentgenge túsirip, onda eshteńe joq ekenin aıtty. Ol:»Men ne isteımin? Bul meniń quzyretimde emes!«, - dedi. Ol bizge turǵylyqty jerimiz boıynsha terapevtke barýdy nemese aýrýhananyń balalar bólimine óz betimizben júginýdi usyndy. Biraq ol jerge barýǵa joldama bergen joq jáne bizben ilesip barmady. Eger aýrýhanada kameralar bolsa, olar meniń qansha saǵat otyrǵanymdy kóredi. Jalpy, men eki kúnde dárigerler kómegine bes ret júgindim», - deıdi Dıana Jumabekova.
Kelesi kúni balanyń jaǵdaıy nasharlaı túsken. Ol aıaǵy solqyldap turǵanyn aıtqan.
Dıana ulyn alyp, Topardaǵy aýdandyq aýrýhanaǵa qaıta barǵan. Alaıda kúni burynǵy jaǵdaı qaıtalanǵan. Dıana dárigerler sábıin qaıtys bolǵannan eki saǵat buryn ǵana teksere bastaǵanyn aıtady.
«Biz Topar kentiniń aýrýhanasyna keldik, biraq bizdi ústine birden kótermedi. Aldymen qabyldaý bólmesine qaıta otyrǵyzyp qoıdy. Biz keshki saǵat 10-da keldik, biraq balamdy jansaqtaý bólimine saǵat 00.30-da ǵana kóterdi. Men olardyń ulymdy morfınmen uıyqtatqanyn estidim, sonymen boldy», - dep jylap otyr anasy.
Endi 3 jasar Alannyń qaıtys bolý sebebin arnaıy komıssııa anyqtamaq. Aýrýhanada dárigerlerdiń nemquraılylyǵyna arnaıy tekserý júrgizilýde. Ázirge olar balanyń dıagnozyn naqtylap jatyr. Alaıda, Medıtsınalyq jáne farmatsevtıkalyq qyzmetti baqylaý komıtetiniń Qaraǵandy oblysy boıynsha departamentinde aldyn ala dıagnoz qoıyldy.
«Bul – JRVI, kataraldy angına. Sot-medıtsınalyq saraptamanyń aldyn ala dıagnozy «bazaldy pnevmonııa». Biraq ol áli de naqtylanady. Balanyń statsıonarda tórt saǵat ishinde qaıtys bolǵany, bul rette 13 shildede júgingeni jáne úshinshi túni 15-shi shildede qaıtys bolǵany – medıtsınalyq kómek kórsetýde qandaı da bir defektiniń baryn bildiredi. Onyń bizdiń mamandar naqty anyqtaıtyn bolady», - dedi Qaraǵandy oblysy boıynsha Medıtsınalyq jáne farmatsevtıkalyq qyzmetti baqylaý komıtetiniń departament basshysy Olga Smırnova.
Tekserý nátıjeleri eki aptadan keıin daıyn bolýy kerek, olar polıtsııaǵa jiberiledi. Polıtsııa departamentinde de barlyq qajetti saraptamalar taǵaıyndaldy.
