Qaraǵandylyq tártip saqshylary eki balany órtten aman alyp qaldy
ASTANA. Aqpannyń 17-si. QazAqparat /Aıdar Ospanalıev/ - Іshki ister mınıstrligi 2 balany ákesimen birge órtten aman alyp qalǵan tártip saqshylaryn marapattaý máselesin sheshýde,
dep habarlaıdy QazAqparat.
Іshki ister mınıstrliginiń Til saıasaty jáne aqparat departamentiniń bastyǵy Qýanyshbek Jumanovtyń aıtýynsha, aqpannyń 11-i kúni Qaraǵandy qalasynyń Mıhaılov polıtsııasy bólimshesiniń qyzmetkerleri Ánýar Quntaev pen Andreı Adrıanov jedel-izdestirý sharasynyń barysynda jekeshe úılerdiń birinen tútin shyǵyp jatqannyn baıqap qalǵan. Úıge kirgen olar tútinnen tunshyǵyp bara jatqan soń kórpeniń astyna tyǵylǵan 4 jáne 6 jasar balalardy órtten alyp shyǵady. Al úıdiń 35 jasar qojaıyny bul kezde qatty mas kúıinde uıyqtap jatypty. Polıtseıler balalardy qyzmet kóligine otyrǵyzyp alyp, órt sóndirýshilerge habar bergen. Osy arada úıdiń ıesi tártip saqshylarynan boı tasalap qashyp ketken. Al balalardyń anasy kórshisiniń úıinde mas bolyp uıyqtap jatqan, dedi Q.Jumanov.
