Qaraǵandylyq taekvondoshylar halyqaralyq týrnırde 50 medal oljalady
ASTANA. QazAqparat - Ótken aptada Shymkentte taekvondodan «Shymkent open» týrnıri ótti. Oǵan 10-13 jastaǵy sportshylar qatysty, dep habarlaıdy Qaraǵandy oblysy ákimdiginiń baspasóz qyzmeti.
Dodada Qazaqstan, Reseı, Qyrǵyzstan jáne Ózbekstan elderinen kelgen 650 sportshy sheberlik baıqasty. Týrnır bes baǵytta uıymdastyryldy: jeke jáne komandalyq sparrıngter, resmı jattyǵýlar men ózin-ózi qorǵaý.
Jarysta Qaraǵandy men Temirtaý qalalarynyń sportshylary 24 altyn, 8 kúmis jáne 18 qola medal enshiledi.
Eń bedeldi baǵdarlama - komandalyq jarysta oblys quramasy 4 «altyn» alyp, jeńiske qol jetkizdi.
