Qaraǵandylyq sýretshi Dýbaıdaǵy Expo 2020 kórmesine óz kartınalaryn qoıdy

QARAǴANDY. QazAqparat – Qaraǵandynyń tanymal sýretshisi jáne antııadrolyq qozǵalystyń belsendisi Káripbek Kúıikov Dýbaıdaǵy Expo 2020 kórmesinde (BAÁ) qyryqtan astam kartınasyn usyndy. Halyqaralyq alańda sýretshi týyndylarynyń kórmesin «Álem kartınasy» jobasynyń jetekshisi Dáiýt Shaıhıslamov uıymdastyrdy, dep habarlaıdy QazAqparat tilshisi.

«Álem sýreti» jobasyna saı 2 020 adam 5 h 1,20 metr ólshemdi úlken kenepte óz izderin qaldyrýy kerek. Qazaqstandyq veloshabandoz Aleksandr Vınokýrov óz tańbasyn alǵashqylardyń biri bolyp engizdi. Qorytyndylaı kele, kenepte barlyq 2 020 adam tańbasyn qaldyrǵan soń, jobany uıymdastyrýshylar sýretti óndep, Gınnestiń rekordtar kitabyna engizýge bolatyn álem sýreti paıda bolady», – deıdi Káripbek Kúıikov.

Káripbek Kúıikov EHRO-da alǵan áserin qyl qalam arqyly beınelep, birneshe jańa kartınalar jazdy.

«Emotsııalar kóp. Kórmede kórgen barlyq dúnıedelrden alǵan áserimniń arqasynda mende birneshe sýret paıda boldy. Solardyń birinde men sý ústine salynǵan Dýbaıdyń jańa qonaq úıin sýrettedim», – dep bólisti sýretshi.

Sýretshi BAÁ-de eki apta bolyp, jaqynda úıine qaıtty. Jeltoqsanda ol «Álem kartınasy» jobasyn aıaqtaý úshin taǵy da Dýbaıǵa barady.

Al onyń jumystary EHRO kórermenderin qýantýdy jalǵastyrýda.