Qaraǵandylyq stýdentterge latyn álipbıi oqytyla bastady

ASTANA. QazAqparat - Qaraǵandy memlekettik ýnıversıtetiniń keıbir fakýltetterinde bıylǵy oqý jylynan bastap latyn álipbıi oqytyla bastady. Bul týraly óńirlik kommýnıkatsııalar qyzmetinde ótken brıfıngte málim boldy, dep habarlaıdy QazAqparat oblys ákimdigine silteme jasap.

«2017-2018 oqý jylynda Qaraǵandy memlekettik ýnıversıtetinde hımııa, fılologııa, fılosofııa, psıhologııa, tarıh fakýltetterinde latyn álipbıi oqytyla bastady. Bul kýrstar aptasyna bir ret ótedi. Stýdentterge A. S. Ádilova, M. A.Tursynova, Z. N.Jýyntaeva, sondaı-aq E.M. Antonova sekildi ǵalymdar, fılologııa ǵylymdarynyń doktorlary, professorlar dáris beredi. Stýdentter erte kezeńderdegi qazaq álipbıimen qatar, 1929-40 jyldary Qazaqstanda qoldanylǵan latyn jazbasynyń úlgilerimen tanysatyn bolady», - dedi Qaraǵandy oblystyq tilderdi damytý basqarmasynyń basshysy Gúlnáraıym Qańtarbekova. 

Aıta keteıik, Qazaqstanda qazaq tiliniń latyn álipbıindegi nusqasy 2017 jyldyń sońyna deıin qabyldanady dep josparlanýda.