Qaraǵandylyq stýdentter Táýelsizdik kúnine tartý jasady

QARAǴANDY. QazAqparat - Qaraǵandy ýnıversıtetiniń stýdentteri Táýelsizdik kúnine oraı ánnen shashý shashty, dep habarlaıdy QazAqparat.

Stýdentter elimizdiń týyn jataqhana terezeleri men balkondaryna ilip, «Atameken» ánin oryndady. Bul týraly Bilim jáne ǵylym mınstriniń baspasóz hatshysy Móldir Abdýalıeva Facebook-tegi paraqshasynda jazdy

Onyń aıtýynsha, búgin E. Bóketov atyndaǵy Qaraǵandy ýnıversıtetiniń rektory Nurlan Dýlatbekov mereke kúnderi jataqhanada qalǵan stýdentterdi quttyqtaýǵa barǵan. Joǵary oqý ornynyń basshylyǵy stýdenttermen kezdesýge torttar aparyp, jastarmen merekelik shaı ishti. Ýnıversıtetti damytý boıynsha josparlarymen bólisip, stýdentterdiń ıdeıalary men usynystaryn tyńdady. Al volonter jastar oǵan alǵys retinde ánnen shashý shashyp, patrıottyq beınerolıkterin áleýmettik jelilerde jarııalap jatyr.

Móldir Abdýalıeva ýnıversıtetterdiń baspasóz qyzmeti stýdentter men JOO ákimshiliginiń qatysýymen jelilerde túrli merekelik aktsııalardy jarııalap jatqanyn atap ótti. Joǵary oqý oryndary ýnıversıtet múshelerine merekelik kóńil-kúı syılaýǵa jáne qolaıly jaǵdaı jasaýǵa basymdyq beretinin aıtty.