Qaraǵandylyq stýdent mátindi latyn qarpine aýdaratyn baǵdarlama jasap shyǵardy

QARAǴANDY. QazAqparat  - E.A. Bóketov atyndaǵy Qaraǵandy memlekettik ýnıversıtetiniń Matematıka jáne aqparattyq tehnologııalar fakýltetiniń 2 kýrs stýdenti mátindi latyn jazýyna aýdaratyn konvertor jasady, dep habarlaıdy QazAqparat tilshisi oblystyq ákimdiktiń baspasóz qyzmetine silteme jasap.

«Bizdiń ýnıversıtet «Rýhanı jańǵyrý» baǵdarlamasynda kórsetilgen mindetterdi júzege asyrýǵa atsalysýda. Men oılap tapqan baǵdarlama arqyly birneshe mınýttyń ishinde-aq A4 formatyndaǵy 500 betke deıingi mátinderdi aýdarýǵa bolady. Ondaǵy sýretter men kesteler de kedergisin keltirmeıdi», - deıdi Maǵjan Ómen.

Avtordyń aıtýynsha, baǵdarlamany jasap shyǵarýǵa bir jarym aıdaı ýaqyt jumsalǵan.

«Qyrkúıek aıynda fakýltetimizdiń dekany stýdentterge arnaıy mindetter júktedi. Nátıjesinde meniń usynǵan nusqamdy qoldady. «Bolashaq - meniń armanym» startapyna qatysyp, jartylaı fınalǵa shyqtym. Endi uıaly telefondarǵa arnalǵan latynǵa aýdaratyn qosymshany jasap shyǵarsam deımin», - dedi stýdent.

Maǵjan Ómenniń baǵdarlamasy búginde ýnıversıtette qoldanylady.