Qaraǵandylyq sportshylar parajúzýden Álem kýbogynda 10 medal ıelendi
QARAǴANDY. QazAqparat – Italııada parajúzýden Álem kýbogynda qazaqstandyq júzgishter 18 medal jeńip aldy, onyń 10-y – qaraǵandylyqtar, dep habarlaıdy QazAqparat tilshisi.
Halyqaralyq birinshilikke 38 elden 300-den astam sportshy qatysty. Qazaqstan atynan jarysqa Ulttyq paralımpıada qurama komandasynyń toǵyz sportshysy qatysty.
Qaraǵandylyq júzgishterdiń qorytyndysy:
Andreı Afanasev – eki altyn (100 m brass, 100 m batterflıaı), eki kúmis (50, 100 m erkin stıl) medaldar;
Dıas Kenjebek – qola (100 m tórt estafeta), kúmis (100 m arqamen júzý, jasóspirimder arasynda) medaldar;
Natalıa Zvıagıntseva – altyn (100 m artqa), eki qola (100 m tórt estafeta, 50 m erkin stıl) medaldar;
Sergeı Kınov – qola (100 m tórt estafeta) medal.
«Bul bıylǵy jyly bizdiń sportshylar úshin alǵashqy reıtıngilik jarys. Qazir júzýshiler álem chempıonatyna (maýsym aıy, Portýgalııa) jáne Azııa oıyndaryna (qazan aıy, Qytaı) qatysý úshin normatıvterdi oryndaıdy. Balalar aldaǵy iri jarystarǵa belsendi qatysady», – dedi parajúzý komandasynyń jetekshisi Tatıana Bogoslovskaıa.
Sportshylardyń barlyq nátıjeleri Halyqaralyq paralımpıada komıtetiniń (IPC) 2022 jylǵy álemdik reıtıngine engiziletin bolady.
