Qaraǵandylyq sportshylar akrobatıkadan Qazaqstan chempıonatynda úzdik atandy
QARAǴANDY. QazAqparat – Qaraǵandydaǵy A. G. Stepanenko atyndaǵy olımpıadalyq rezerv mektep-klýbynyń gımnastıka zalynda sporttyq akrobatıka boıynsha QR chempıonaty ótti. Qaraǵandylyq sportshylar úzdik atandy, dep habarlaıdy QazAqparat tilshisi.
Jarysqa Almaty, Jambyl, Pavlodar, Soltústik Qazaqstan jáne Qaraǵandy oblystarynyń ókilderi qatysty.
Saıysta elimizden 73 myqty sportshy baq synady.
Jarys baǵdarlamasynda jattyǵýdyń úsh túri boldy: balanstyq, dınamıkalyq jáne aralas.
Birinshi oryndy qaraǵandylyqtar Aleksandra Rýdakova men Damıra Talǵat (áıelder juby), Danıel Dıl jáne Vadım Shýlıar (erler juby), Rýslan Meleshko jáne Rýsalına Halabýrdına (aralas juptar) ıelendi.
«Áıelder toby» sanatynda kúmis medaldardy Qaraǵandy gımnastıka mektebiniń ókilderi Adel Birjanova, Gúlarý Aldabergenova jáne Polına Kýznetsova jeńip aldy.
