Qaraǵandylyq sportshy júzýden el chempıonatynda 6 medal jeńip aldy
QARAǴANDY. QazAqparat – Saran qalasynyń sportshysy Ksenııa Ignatova júzýden Qazaqstan chempıonatynda úzdik nátıje kórsetti. Jalpy Qaraǵandy oblysynyń komandasy úsh altyn, jeti kúmis jáne bir qola júlde ıelendi, dep habarlady QazAqparat tilshisi.
Respýblıkalyq birinshilik Aqtóbede ótti. Oǵan qatysý úshin elimizdiń barlyq óńirinen 415 myqty sportshy jınaldy.
«Á. Moldaǵulova atyndaǵy olımpıada rezerviniń mektep-ınternat-kolledjiniń tárbıelenýshisi Ksenııa Ignatova barlyq sanattar boıynsha alty medal jeńip aldy. Birinshi oryn – arqamen 100 jáne 200 m júzý, ekinshi oryn – arqamen 50 m júzý, úshinshi oryn – úsh estafeta. Nátıjesinde qaraǵandylyq sportshy 18 maýsym men 3 shilde aralyǵynda Býdapeshtte (Vengrııa) ótetin sý sporty túrlerinen 2022 jylǵy álem chempıonatyna joldama aldy», - deıdi Qaraǵandy oblysynyń dene shynyqtyrý jáne sport basqarmasynda.
Taǵy bir birinshi oryndy joǵary sport sheberligi mektebiniń ókili Danıel Galva (arqamen júzý 200 m) aldy.
