Qaraǵandylyq sportshy jeke velosherýde 450 shaqyrym júrip ótti
Sporttyq-patrıottyq is-shara eki kezeńnen turdy. Veloshabandoz óziniń marafonyn Elordada Kenesary han eskertkishinen bastady.
Sherý Qaraǵandyda Táýelsizdik stelasynyń aldynda aıaqtaldy.
Munda ony jas velosıpedshiler men qala belsendileri qarsy aldy. Qashyqtyq 225 km 420 m qurady.
«Kenesary – Qazaqstannyń kórnekti tulǵalarynyń biri. Onyń búkil ómiri óz eline, jerine qyzmet etýge baǵyttaldy. Mundaı qaıratkerlerdi jastar bilýli úshin nasıhattaý kerek. Jalpy ýaqyt – 13 saǵat 43 mınýt. Onyń ishinde 10 saǵat 7 mınýt velosıpedpen júrdim. Tas jolda kóptegen aıaldamalar boldy. Adamdar suraqtar qoıyp, olarmen sýretke túsýdi surady», – deıdi Ernat Melsuly.
Ekinshi kezeńde Ernat Melsuly Nur-Sultanǵa attandy.
Velosıpedshi óziniń saıahatyn Týtuǵyrdan bastap Temirtaýdaǵy Álıhan Bókeıhan atyndaǵy ortalyq meshitke bardy.
Keri jol uzaǵyraq boldy. 20 saǵat ishinde 228 shaqyrymdy baǵyndyrdy.
«Onyń ishinde 13 saǵat 17 mınýtta men velosıpedpen júrdim. Barlyq derekter halyqaralyq sertıfıkattalǵan Strava mobıldi qosymshasynyń kómegimen esepteldi jáne jazyldy. Velojarys Aqorda aldynda túngi saǵat ekide aıaqtaldy. Meni jubaıym men dosym qarsy aldy», – deıdi Ernat Melsuly.
Sportshy Ázirbaıjan – Grýzııa – Túrkııa halyqaralyq marafonyn ótkizýdi josparlap otyr.
Ernat Melsuly – «Tolyq adam hám tórt damý» ıdeıasynyń avtory. Buǵan deıin ol Abaı Qunanbaevtyń týǵanyna 175 jyl tolýyna oraı Nur-Sultan – Jıdebaı baǵyty boıynsha jáne «Orazaǵa 99 shaqyrym» velosherýin ótkizdi. Bıyl Ahmet Baıtursynulynyń 150 jyldyq mereıtoıyna oraı elimizde alǵashqy qysqy velosherýdi uıymdastyryp, 150 shaqyrymdy baǵyndyryp, Qazaqstan rekordyn ornatty.