Qaraǵandylyq sportshy Parıjde ótken týrnırde «altyn» aldy
ASTANA. QazAqparat - Qaraǵandylyq samboshy Beıimbet Qanjanov Parıj qalasynda ótken halyqaralyq týrnırde jeńimpaz atandy, dep habarlaıdy QazAqparat Qaraǵandy oblysy ákimdiginiń saıtyna silteme jasap.
«Grand Prix de Paris de Sambo 2017 sporttyq sambo boıynsha «B» klasty týrnıri 28 mamyrda aıaqtaldy. Atalmysh doda on jetinshi ret Sharlı stadıonynda ótkizilgen. Medaldar jıyntyǵy 27 sanat boıynsha oınatyldy.
Bizdiń sportshymyz, 2015 jylǵy álem chempıony Beıimbet Qanjanov osy joly da 52 keli salmaqtyq kategorııada «altyn» alyp, birinshi orynnan kórindi», - delingen saıt habarlamasynda.
