Qaraǵandylyq sportshy qoıan-qoltyq urystan Azııa chempıony atandy
QARAǴANDY. QazAqparat - Qoıan-qoltyq urys boıynsha Azııa chempıonatynda qaraǵandylyq sportshy Jandos Madehııanov 55 keli salmaq dárejesinde úzdik atandy, dep habarlaıdy QazAqparat.
Birinshilik 16-17 mamyrda Reseıdiń Ýfa qalasynda ótti. Týrnırge Azııa qurlyǵynyń úzdik degen qoıan-qoltyq urys sheberleri qatysty. 55 keli salmaq dárejesinde Qaraǵandy oblysynyń atynan ýshý federatsııasynyń múshesi, ýshý sanda sport sheberi, ýshý boıynsha Qazaqstannyń úsh dúrkin chempıony sanda Jandos Madehııanov qatysty. Ol qarsylastaryn senimdi túrde jeńip shyǵyp, altyn medal ıegeri atandy.
«Men úsh jekpe-jek ótkizdim, birinshisi - jergilikti sportshymen, ekinshisi - qyrǵyzstandyq qatysýshymen jáne fınaldyq jekpe-jekti Ózbekstannan kelgen qarsylasymmen ótkizdim», - deıdi Jandos Madehııanov.
Aıta ketý kerek, Qaraǵandy oblysynyń ýshý sanda federatsııasy jaqynda paıda boldy, alaıda sportshylar tek respýblıkalyq týrnırlerde ǵana emes, halyqaralyq dodalarda da tabysty óner kórsetýde. Jandos Madehııanov mamyr aıynyń basynda Qazaqstan chempıonatyn utyp, aǵymdaǵy jyldyń qazan aıynda Shanhaıda ótetin álem chempıonatyna joldama aldy.
