Qaraǵandylyq sportshy aýyr atletıkadan álem chempıonatynda kúmis júlde ıelendi
QARAǴANDY. QazAqparat - Sýva qalasynda (Fıdjı araly) jastar arasynda aýyr atletıkadan álem chempıonaty ótýde. Birinshilikte qazaqstandyq sportshylar da óner kórsetti, dep habarlaıdy QazAqparat tilshisi.
19 jasar qaraǵandylyq Anton Antropov álemdik birinshilikte ziltemir kóterýden qossaıysta ekinshi orynǵa ıe boldy.
Kúmis júldeger oblystyq keshendi sport mektebiniń tárbıelenýshisi. Halyqaralyq dárejedegi sport sheberi. Ivan Snegýrovtyń jetekshiligimen jattyǵady.
Jaqynda Qazaqstan chempıonatynda Anton Antropov jeti rekord ornatty: julqı kóterýde - 155 kg, oqys serpe kóterýde - 205 kg jáne qossaıys boıynsha-360 kg.
