Qaraǵandylyq sottar paıdalanylǵan qaǵazdardy ótkizip, túsken qarjyny qaıyrymdylyqqa jumsady
QARAǴANDY. QazAqparat - Qaraǵandy oblysynyń sottary qajet emes qaǵazdardan qutylyp, túsken qarjyny qaıyrymdylyqqa berdi, dep habarlaıdy «QazAqparat» HAA tilshisi.
«Oblystyń barlyq sýdıalary makýlatýra jınady. Bul shımaılanǵan jáne basqa da kerek emes qaǵazdar edi. Barlyǵy 4 tonnaǵa jýyq salmaqty qurady. Bul makýlatýralardy qaıta óńdeýge ótkizip, túsken aqshany qaıyrymdylyqqa baǵyttady», - dedi Qaraǵandy oblystyq sotynyń aqparatpen qamsyzdandyrý bóliminiń basshysy Gúlbarshyn Jıtıkova.
Sýdıalar Qazaqstan Respýblıkasy Táýelsizdiginiń 25 jyldyǵy men Jańa jyl qarsańynda «Qulynshaq» balalar úıine syılyqtar jasady. Túrli oıynshyqtarmen bezendirilgen eki metrlik shyrsha syılady. Buǵan qosa, azyq-túlik berildi. Sondaı-aq, jaǵdaıy tómen otbasylardy da nazardan tys qaldyrmady.
