Qaraǵandylyq sot zalynda ózin óltirmek boldy
QARAǴANDY. QazAqparat - Qaraǵandy sot zalynda sottalýshy ózine ózi qol jumsamaq bolyp árekettendi, dep habarlaıdy QazAqparat tilshisi.
Appelıatsııalyq alqa qaýlysyn jarııalaǵannan keıin sottalǵandardyń biri ózimen birge alyp kelgen ustaranyń júzimen óz-ózi jaraqattaǵan.
Abyroı bolǵanda, onyń áreketi der kezinde toqtatylyp oǵan medıtsınalyq kómek kórsetildi. Qazirgi ýaqytta sottalýshynyń jaǵdaıy qanaǵattanarlyq.
Oblystyq sottyń BAQ jónindegi úılestirýshi sýdıasy Erkesh Maýkentiń aıtýynsha, atalǵan sot isi Qaraǵandy oblysynyń Balqash qalalyq sotynda dızel otynyn urlaý faktisi boıynsha qaralyp jatqan.
«Balqash qalalyq sotynyń bıylǵy jylǵy 26 aqpandaǵy úkimimen atalǵan adamdar QK-niń 189-babynyń 2-bóligi 1,3-tarmaqtary boıynsha sottalǵan.
«Qaraǵandy oblystyq sotynyń qylmystyq ister jónindegi sot alqasynyń 16 mamyrdaǵy qaýlysymen atalǵan tulǵalarǵa qatysty birinshi satydaǵy sottyń úkimi ózgerissiz qaldyryldy», - dep habarlady úılestirýshi sýdıa.
Apellıatsııalyq soty sottalǵan adamnyń aldyn ala sóz baılasýy boıynsha qylmys jasaǵany, olarǵa senip tapsyrylǵan bóten múlikti urlaǵany úshin sottalǵan adamdardyń kinási istiń naqty mán-jaılaryna tolyǵymen sáıkes keledi degen qorytyndyǵa keldi.
