Qaraǵandylyq sheneýnik para alǵany úshin 6 jylǵa sottaldy
ASTANA. QazAqparat - Qaraǵandy oblysyna qarasty Abaı aýdany ákiminiń burynǵy orynbasary Dımash Súleımenov 1,5 mln teńge para alǵany úshin 6 jylǵa bas bostandyǵynan aıyryldy, dep habarlaıdy QazAqparat.
«Sottalýshy Súleımenov Dımash Jumkenuly QK 366 baby 2 bóliginde («para alý») qarastyrylǵan qylmysty jasaýǵa kináli dep tanylsyn jáne qylmystyq jolmen qarajatqa satyp alynǵan sottalýshynyń menshigindegi múlikti tárkileı otyryp, 6 jylǵa bas bostandyǵynan aıyrylsyn», - dedi úkimdi oqyǵan Qaraǵandy qalasynyń Qazybek bı aýdandyq sotynyń sýdıasy Aıgúl Myrzabekova.
Sheneýnikti sybaılas jemqorlyqqa qarsy is-qımyl departamentiniń qyzmetkerleri Qaraǵandyda 2017 jylǵy 25 shildede ustaǵan bolatyn. Ol «Óńirlerdi damytý 2020» memlekettik baǵdarlamasy aıasynda oryndalmaǵan jumystarǵa jasalǵan qujatqa qol qoıý úshin 1,5 mıllıon teńge mólsherinde para aldy degen kúdikpen tergeldi.
