Qaraǵandylyq sharýalar sandyq tehnologııamen kartop ósirýde
QARAǴANDY. QazAqparat - Nura aýdanyndaǵy sharýa qjalyqtary kartop ósirýde sandyq tehnologııalardyń tolyq kezeńin engizdi, dep habarlaıdy QazAqparat.
Qaraǵandy oblysy ákiminiń orynbasary Serik Shaıdarov jumys saparymen Nura aýdanynda bolyp qaıtty. Ol iri dándi-daqyldardy egýshi kásiporyndar - «Shahterskoe» jáne «Prjevalskoe» JShS, jáne de «Egindi» aýyldyq okrýginiń sharýashylyq qojalyqtaryn aralady.
2018 jyly Nura aýdanynda 237 myń ga alqapqa dándi-daqyldar egilgen. Sonyń 922 gektaryna kartop salynǵan, ótken jylmen salystyrǵanda bul kórsetkish 22,6% artqan.
Aýdan dıqanshylary egistikterdi mıneraldy tyńaıtýǵa kóp kóńil bóle bastaǵan. Zamanaýı tehnologııalar kóp mólsherde ónim alýǵa kómektesedi. Aýyl sharýashylyǵyn óndirýshiler egistik jaǵdaıynyń jaqsarǵanyn atap ótýde.
Sharýashylyq belsendi túrde ylǵaldy saqtaý tehnologııalaryn qoldanyp, tehnıka parkin jańartýda. Bıyl 6 zamanaýı kombaın men eki jańa traktor satyp alynǵan.
«Shahterskoe» JShS respýblıkamyzda qoldanylyp jatqan agroónárkásip keshenin sandyq júıege aýystyrý boıynsha baǵdarlama aıasyndaǵy «dálme dál eginshilik» tehnologııasyn engizý boıynsha pılotty jobaǵa qatysýda. Kásiporyn jaqynda kartop ósirýmen aınalysa bastaǵan jáne bul baǵyttaǵy isteri sátti bolýda. Ónimdilik bir gektardan 400 tsentnerge deıin jetken. Mundaı nátıjege kartop ósirýde sandyq tehnologııalardyń tolyq kezeńin engizý kómektesken.
2017 jyly «Shahterskoe» JShS zamanaýı jabdyqtarmen jabdyqtalǵan 8000 tonnalyq kartop saqtaý qoımasy paıdalanyla bastady. Búgingi tańda 12 000 tonnalyq taǵy bir qoımanyń qurylysy júrip jatyr, jobanyń quny - 1,2 mlrd teńge.
Oblys ákiminiń orynbasary aýdan bólimsheleriniń jetekshilerimen, aýyl jáne kent ákimderimen jıyn ótkizdi, onda aýyl sharýashylyǵyn damytý máseleleri qaraldy. Ol et óndirýde ındıkatıvti kórsetkishterge jetý boıynsha, aýyl sharýashylyǵyna ınvestıtsııalar tartý jáne veterınarlyq qaýipsizdikti qamtasamyz etý boıynsha birqatar tapsyrmalar berdi.
