Qaraǵandylyq «Shahterdiń» bas bapkeri qyzmetinen ketti
QARAǴANDY. QazAqparat - «Shahter» fýtbol klýby 47 jastaǵy belarýstyq maman Vladımır Jýravelpen ózara kelisim boıynsha eńbek shartyn toqtatty, dep habarlaıdy QazAqparat tilshisi fýtbol klýbynyń baspasóz qyzmetine silteme jasap.
Negizgi komandanyń bas bapkeri mindetin atqarýshy bolyp bas bapkerdiń assıstenti Andreı Fınonchenko taǵaıyndaldy.
«Biz Vladımır Ivanovıchke komandada ótkizgen ýaqyty úshin alǵys aıtamyz jáne onyń mansabyna tabys tileımiz», - delingen habarlamada.
16 týrdan keıin «Shahter» Qazaqstan premer-lıgasynyń týrnırlik kestesinde toǵyzynshy orynda tur.
Vladımır Jýravel qaraǵandylyq fýtbol klýbyn 2018 jyldyń qańtar aıynan bastap basqarǵan bolatyn.
