Qaraǵandylyq «Saryarqa» Joǵary hokkeı lıgasynyń kezekti maýsymyn ashady
ASTANA. 8 qyrkúıek. QazAqparat - Búgin Joǵary hokkeı lıgasynyń kezekti tórtinshi chempıonaty bastalady.
Jańa maýsym ótken chempıonattyń fınalyna shyqqan qaraǵandylyq «Saryarqa» men bashqurtstandyq «Toros» komandasynyń oıynymen ashylady. Bul match búgin Neftekamsk qalasynda Astana ýaqyty boıynsha keshki 17:00-de bastalady. Aıta ketken jón, JHL-dyń ótken maýsymynda (2012-2013) qaraǵandylyq «Saryarqa» komandasy birneshe rekord ornatyp, fınalǵa shyqqan bolatyn. Sonda Bratına kýbogynyń ıegeri «Toros» komandasymen kezdesip, jalpy esep boıynsha 1:3 esebimen utylyp jatqan kezde tarazy basyn teńestire bildi. Alaıda sońǵy sheshýshi matchta qarsylasyna jol berip qoıdy. Degenmen, «Saryarqa» batyl ári «lıgany jaryp shyqqan» komanda retinde tarıhta qaldy. Sodan bolar, ótken maýsym bitken boıda basqa komandalardyń bapkerleri birden «Saryarqanyń» hokkeıshilerine qolqa salyp, óz quramalaryna tartýmen álek boldy. Qazir komandanyń quramy ózgerdi. Sondyqtan sarapshylar qaraǵandylyq klýbtyń bıylǵy oıynyna naqty boljam jasaı almaı jatyr.
