Qaraǵandylyq «Saryarqa» «TMD elderiniń rekordtar kitabyna» endi
ASTANA. QazAqparat - 2014 jyldyń 6 tamyzy kúni «Saryarqa» hokkeı klýbyna «TMD elderiniń rekordtar kitabynyń» redaktsııalyq alqasynan hat keldi.
Hatta «TMD elderiniń rekordtar kitabynyń» redaktsııalyq alqasynyń saraptama bóliminiń usynysymen «Saryarqa» komandasynyń rekordyn, atap aıtqanda, «Bir kásibı hokkeı komandasynyń eń uzaq taza jeńisin» TMD elderiniń resmı rekordy retinde moıyndaý týraly biraýyzdan sheshimge kelgen. Munda atalmysh komandanyń 2012 jyldyń 31 qazanynan bastap 2013 jyldyń 14 qańtaryna deıingi Joǵary hokkeı lıgasy chempıonatynyń oıyndary - 2012-2013 jylǵy hokkkeı maýsymynyń ashyq Búkilreseılik jarysy aıasyndaǵy barlyq jeńisteri esepke alyndy, dep habarlanǵan «Saryarqa» HK resmı saıtynda.
