Qaraǵandylyq «Saryarqa» hokkeı komandasy «Challenge Yannick Bohn» halyqaralyq jarysyna qatysady
QARAǴANDY. 29 tamyz. QazAqparat - Qaraǵandylyq «Saryarqa» hokkeı komandasy Frantsııada ótetin «Challenge Yannick Bohn» atty 4-shi halyqaralyq jarysqa qatysady, dep habarlady klýbtan.
Jarys frantsııalyq Kolmar qalasynda 30 tamyz ben 2 qyrkúıek arasynda ótedi. Uıymdastyrýshylardyń aqparatynsha, oǵan frantsııalyq Magnus lıgasynyń (Frantsııanyń myqty lıgasy) 4 komandasy: Strasbourg, Amiens, Epinal jáne Mulhouse, nemistiń Freiburg (Oberliga - Germanııanyń úshinshi lıgasy) klýby, sondaı-aq Qazaqstannyń qaraǵandylyq «Saryarqa» komandasy qatysady.
Jarys talaptaryna sáıkes komandalar úsh qatysýshydan eki topqa bólinip, árbir komanda óz tobyndaǵy basqa eki komandamen bir-bir oıynnan ótkizedi. Óz tobynda birinshi oryn alǵan komandalar 2 qyrkúıekte ótetin fınaldaǵy jeńimpazdy anyqtaıdy.
Esterińizge sala keteıik, qaraǵandylyq «Saryarqa» jańa maýsymda Reseıdiń Joǵary hokkeı lıgasynda synǵa túsedi.
