Qaraǵandylyq samboshy Beıimbet Qanjanov Álem kýbogynda altyn medal ıelendi
ASTANA. QazAqparat - Qaraǵandylyq samboshy Beıimbet Qanjanov «Harlampıev memorıaly» Álem kýbogynda jeńimpaz atandy.
Máskeý qalasynda 25-26 naýryz kúnderi ótken Álem kýbogyna 29 elden 300-ge jýyq sportshy qatysqan. Bul dúbirli dodada Qazaqstannyń namysyn Shymkent, Oral, Aqtóbe, Taldyqorǵan, Almaty, Astana, Túrkistan, Atyraý jáne Qaraǵandy qalalarynan barlyǵy 35 sportshy qorǵady. Jarys qorytyndysy boıynsha qazaqstandyq samboshylar toǵyz júldeli oryndy oljalady, onyń ishinde alty qola, eki kúmis jáne bir altyn medal bar. Altyndy 52 kg deıingi salmaq dárejesinde qaraǵandylyq Beıimbet Qanjanov ıelense, Raıymqulov Bolatbek (52 kg) pen Jylqybaeva Álııa (80 kg) kúmis júldegerler atandy. Al qola júldeni Qaıranbekov Serik (57 kg), Qýanov Eset (62 kg), Abdamıt Arslan (100 kg), Turmahanova Gaýhar (48 kg), Taıjanova Qaljan (72 kg) men Jırenshıev Rústembek (82 kg) qanjyǵalaryna baılady, dep jazady Vesti.kz.
