Qaraǵandylyq prokýrordyń saıtandar týraly óleńi memqyzmetshi ádebine saı bolýyna tekseriledi
QARAǴANDY. QazAqparat - Qaraǵandy oblysynyń prokýratýrasy áriptesteriniń saıtandar týraly óleńine qatysty qyzmettik tekseris júrgizetin bolady.
«Berik Muratuly Ahmetjanov prokýratýra organdarynda eńbek etken jyldar ishinde túrli taqyryptarǵa óleńder shyǵarýmen aınalysyp keledi. Onyń shyǵarmashylyǵy - jeke ómiri. Onyń sońǵy týyndysy memlekettik qyzmetshiniń minez-qulyq standarttaryna qanshalyqty sáıkes keletindigin anyqtaıtyn bolamyz», - dep jaýap berdi oblys prokýratýrasynda «QazAqparattyń» joldaǵan saýalyna.
Eske sala keteıik, áleýmettik jelilerde Qaraǵandy oblysy Osakarov aýdanynyń prokýrory Berik Ahmetjanovtyń óziniń saıtandar týraly óleńin mánerlep oqyp jatqan beınejazbasy paıda boldy.
Óleńdi ol bir jyl buryn jazǵan. Qazir ony áleýmettik jelide dostarynyń ótinishi boıynsha jarııalaǵan.
