Qaraǵandylyq polıtseıler sıntetıkalyq esirtki daıarlaıtyn zerthanany anyqtady
4 shilde kúni Qaraǵandy qalalyq polıtsııa basqarmasynyń esirtki qylmystaryna qarsy is-qımyl bóliminiń qyzmetkerleri «Qarasora» jedel aldyn alý is-sharasy barysynda qaladaǵy saıajaılardyń birinen 28 jastaǵy azamatty ustady. Ustalǵan azamat qala aýdandarynyń ár jerlerinde 20-30 oramnan sıntetıkalyq esirtki jasyryp ketkenin moıyndady.
Ustalǵan azamattyń sıntetıkalyq esirtki jasyrǵan jerlerine júrgizilgen tintý jumystary barysynda polıtsııa qyzmetkerleri 3 oram, jalpy salmaǵy 100 gramm bolatyn sıntetıkalyq esirtkige uqsas zattar tárkiledi.
– Kúdikti jalǵa alǵan páterdi tintý barysynda sıntetıkalyq esirtki óndiretin zerthana tabyldy. Polıtsııa qyzmetkerlerimen oqıǵa ornynan sıntetıkalyq esirtki zatyn pisirýge arnalǵan ındýktsııalyq taqta, eki termometr, eki respırator, plastıkalyq ydystar jáne sıntetıkalyq esirtkini ólsheýge arnalǵan zattar, sondaı-aq satýǵa daıyn 500 gramm sıntetıkalyq esirtki tárkilendi. Esirtki qylmystaryn anyqtaý jáne jolyn kesý –ishki ister mınıstri alǵa qoıǵan basym mindetterdiń biri. Osy baǵytta bizdiń departament qyzmetkerleri bul jumysty turaqty negizde júrgizip keledi, – dedi Qaraǵandy oblystyq polıtsııa departamenti bastyǵynyń orynbasary Ábil Ábildın.
Saraptama qorytyndysyna sáıkes, tárkilengen zattar sıntetıkalyq esirtki zaty ekeni belgili boldy. Kúdikti ýaqytsha ustaý ızolıatoryna qamaldy. Atalǵan derek boıynsha Qazaqstan Respýblıkasy Qylmystyq Kodeksiniń 297-baby 3-tarmaǵyna sáıkes qylmystyq is qozǵaldy. Tergeý amaldary júrgizilip jatyr.
