Qaraǵandylyq polıtseıler memlekettik tildiń mańyzy týraly aıtty

QARAǴANDY. QazAqparat - Qaraǵandylyq polıtseıler memlekettik tildi bilý deńgeılerin kórsetti, dep habarlaıdy QazAqparat tilshisi.

Qaraǵandyda «Tolerantty tildik orta - rýhanı jańǵyrý negizi» atty konfessııaaralyq forým ótti.

«Bizdiń qyzmetkerler tilderdi qoldaný men damytýdyń 2011-2020 jyldarǵa arnalǵan memlekettik baǵdarlamasy tilderdi damytýdyń barlyq múmkindikterin ashatynyn jáne Qaraǵandy oblysynyń polıtsııa departamenti osy baǵdarlamany júzege asyrýǵa belsendi qatysady» - dedi Qaraǵandy oblysy polıtsııa departamenti bastyǵynyń orynbasary Qaıyrken Álıev.

Jıynda ishki ister organdary qyzmetkerlerin memlekettik tilge úıretýde birlesip jumys isteýdiń tetikteri men baǵyttary saralandy.

Polıtsııa qyzmetinde eńbek etetin túrli ult ókilderi mamandary memlekettik tildi tolerantty ortada tez úırengenin aıtty. Barlyǵy qazaq tilin turmystyq tilge aınaldyrǵanda ǵana, ony meńgerý anaǵurlym tez júretinin aıtýda.

Forým barysynda Departamenttiń shyǵarmashylyq ujymy men shaqyrylǵan ártister patrıottyq ánder shyrqap, halyq aspaptarynda oınady.

Buqar jyraý aýdany polıtsııa basqarmasynyń jedel kezekshisiniń kómekshisi, polıtsııa starshınasy Dmıtrıı Abermet óziniń ulty - nemis bolsa da, onyń otbasynda qazaq tili kúndelikti qarym-qatynas tili ekendigin aıtýda.

«Men jáne meniń otbasy múshelerim qazaq jerinde týyp-ósken. Balalarymyz qazaq mektebinde bilim alýda», - deıdi Dmıtrıı Abermet.

Іs-shara sońynda belsendi top ókilderine alǵys hattar men syılyqtar tabys etildi.

Aıta ketý kerek, búgingi kúni Іshki ister organdarynyń qatarynda 20 ult ókili jumys isteıdi.