Qaraǵandylyq polıtseıler kópbalaly otbasylarǵa kómek kórsetti
QARAǴANDY. QazAqparat - Qaraǵandy oblystyq Polıtsııa departamentiniń kınologııalyq qyzmet ortalyǵynyń mamandary kópbalaly otbasylarǵa baryp qaıtty. Tártip saqshylary balalarǵa syılyqtar berip, qyzmettik ıtterdiń áreket etý kórinisterin nazarlaryna usyndy, dep habarlaıdy QazAqparat tilshisi.
Kópbalaly otbasylarǵa baryp qaıtý týraly oı Kınologııalyq qyzmet ortalyǵynyń qyzmetkerine kelgen eken. Olar ózderi aqsha jınap, doptar, rolık konkıleri jáne oıynshyqtar satyp alǵan.
«Kópbalaly otbasylarǵa kómek kórsetý bastamasyn barlyǵymyz biraýyzdan qoldadyq. Bir kúnniń ishinde qajetti somany jınap, syılyqtar satyp aldyq. Múmkindigi bar barlyq áriptesterimizdi osyndaı otbasylarǵa qol ushyn sozýǵa shaqyramyz», - deıdi Qaraǵandy oblystyq PD KQO bastyǵy, polıtsııa maıory Aıdar Ospanov.
Sonymen qatar balalar men ata-analar úshin polıtsııa qyzmetkerleri kınologııalyq qyzmet ortalyǵynyń aýmaǵynda ekskýrsııa uıymdastyrdy. Qonaqtarǵa qyzmettik ıtter qandaı jaǵdaıda ómir súretini, olardy qalaı jattyqtyratyny jáne janýarlarmen qalaı til tabysý kerektigi týraly aıtyp berdi.
Kınologııalyq qyzmet ortalyǵynda 25 qyzmetker jumys isteıdi. Kınologtarda qazirgi tańda 27 qyzmettik ıtteri bar. Olar esirtki, jarylǵysh zattaryn tabýǵa jáne iz kezýge jattyqtyrylyp, úıretilgen. PD Kınologııalyq qyzmet ortalyǵy osydan 14 jyl buryn, 2005-shi jyldyń 1-shi shildesinde qurylǵan. Al jalpy ózderiniń tarıhyn Qaraǵandy oblysynyń kınolog polıtseıleri 1982-shi jyldan bastaldy dep sanaıdy.
