Qaraǵandylyq polıtseıler «Qamqor ana» saıysyn jarııalady
QARAǴANDY. QazAqparat - Qaraǵandylyq polıtseıler «Qamqor ana» saıysyna qatysý úshin talantty ári kreatıvti qolóner sheberlerin izdeýde, dep habarlaıdy oblys ákimdiginiń resmı saıty .
Tek osyndaı ana ǵana balasyna avtokreslo alyp, jaıaý júrgeninde kúrteshesine jaryq shaǵylystyratyn lentany tigip berý arqyly onyń qaýipsizdigin qamtamasyz etedi.
13-19 qarasha aralyǵynda el aýmaǵynda «Jol qozǵalysy qaýipsizdiginiń aptasy» atty respýblıkalyq keń aýqymdy shara ótedi. Osy aktsııa aıasynda «Qamqor ana» atty saıysy uıymdastyrylmaq.
Bul konkýrs arqyly qatysýshylar jas jaıaý júrginshilerdiń joldaǵy qaýipsizdigi - ananyń qolynda ekenin kórsetetin bolady. Árıne, analarǵa eńbektenýge týra keledi, sebebi saıys talabyna saı balalar kıimin nemese qaýipsizdik zatyn jasaýda mindetti túrde jaryq shaǵylystyratyn elementter bolýy kerek.
Atalmysh saıys balalardy kólikpen tasymaldaýda avtokreslolardy paıdalanýǵa jáne jaryq shaǵylystyratyn zattardy qoldaný arqyly ata-analardyń bala ómiri men densaýlyǵyna jaýapkershilikterin arttyrýǵa baǵyttalǵan.
Konkýrs talaptaryna saı sýrette ana men jaryq shaǵylystyratyn zat qoldanylǵan kıim kıgen bala bolýy tıis. Sýretter «selfı» formatynda bolýy kerek, olardy ádilqazylar alqasy baǵalaıdy.
Jeńimpazdardyń sýretteri jol qozǵalysy qaýipsizdigin nasıhattaýǵa arnalǵan áleýmettik naýqandarda qoldanylady.
