Qaraǵandylyq polıtseı mashınada qamalǵan 2 jasar balany qutqardy
QARAǴANDY. QazAqparat - Qaraǵandyda polıtseıler mashınada jalǵyz qalyp, ystyqtan tynysy tarylǵan balany qutqardy, dep habarlaıdy QazAqparat.
Kóliktiń ishinde áınekti soǵyp, jylap jatqan balany kórgen mańaıdan ótip bara jatqan adamdar polıtsııa qyzmetkerlerin shaqyrǵan. Polıtseıler kóp oılanbastan «Mersedes»-tiń esigin buzyp, eki jasar balany alyp shyqqan. Baldyrǵandy saýda ortalyǵyna alyp kelip, sý bergen. Balanyń ata-anasy oralǵansha polıtsııa qyzmetkerleri men janashyr adamdar jylaýyn toqtatpaǵan balany tynyshtandyrýǵa tyrysqan.
Qaraǵandy oblystyq ishki ister departamentiniń jetekshisi Baqytjan Qudııarov, balanyń ata-anasymen profılaktıkalyq jumystardyń júrgizilgendigin aıtty.
«Oqıǵaǵa qatysty ata-ana balany ne úshin qaraýsyz qaldyryp ketkenderin túsindirdi. Olar bazarǵa az ýaqytqa ketken. Ol kezde bala kólik ishinde uıyqtap jatqan. ıÝvenaldy polıtsııa qyzmetkerlerimen áńgimelesken ata-ana ózderiniń kinálaryn tolyq moıyndady. Endigi kezekte balanyń densaýlyǵyna zııan keltiretin qandaı da bir sharalarǵa jol bermeıtindikterin aıtty», - dedi Baqytjan Qudııarov.
