Qaraǵandylyq palýandar eki matchtyq kezdesýde AQSh quramasynan basym tústi
QARAǴANDY. QazAqparat - Oblys ortalyǵynda Amerıka Qurama Shtattary men Qaraǵandy oblysy sportshylarynyń arasynda erkin kúresten matchtyq kezdesýler ótti dep habarlaıdy oblys ákimdiginiń resmı saıty.
Úsh kezdesýdiń ekeýinde jeńis qaraǵandylyqtarǵa buıyrdy.
Saıystyń barlyq qatysýshylary - stýdentter. Qazaqstanda mundaı sporttyq shara alǵash ret Buǵan deıin amerıkalyq qarsylastarmen qazaqstandyqtar tek iri halyqaralyq saıystarda ǵana kúsh synasqan edi.
Qaraǵandyǵa kelgen AQSh sportshylarynyń barlyǵy ýnıversıtet stýdentteri arasyndaǵy chempıonattardyń jeńimpazdary men júldegerleri. Delegatsııa jetekshisi - Djon Peterson Olımpıada oıyndarynyń kúmis júldegeri (Mıýnhen, 1972 j.), Monrealdaǵy Olımpıada oıyndarynyń chempıony (1976 j.). Qonaqtar komandasynyń bas jattyqtyrýshysy - Stıv Barred. Ol Álem chempıonatynyń júldegeri, AQSh birinshilikteriniń birneshe márte jeńimpazy.
A Qaraǵandy oblysynyń atynan óner kórsetken sportshylar QR chempıonattarynyń jeńimpazdary men júldegerleri bolyp tabylady.
- Osynda saparymyz kúrdeli boldy, uzaq ýaqyt ushtyq. Mundaǵy kúres mektebi myqty ekenin kórip otyrmyz jáne osynda kelgenimizge qýanyshtymyz. Bizdiń sportshylar sizderdiń palýandarmen jekpe-jekke shyǵý múmkindigine ıe bolǵany qandaı jaqsy. Saparymyz osynda kelgen balýandarymyzdyń kóńilinen shyǵyp otyr. Men keshe feısbýkte bir palýanymyzdyń jazbasyn oqydym - ol paraqshasynda «bul bir keremet kezdesý boldy» dep jazypty. Negizi erkin kúres AQSh-ta óte tanymal. Men Kalıfornııada týyp, óstim. Onda erkin kúres boıynsha 800 mektep komandasy bar. Mıchıganda, Mınnesotada kúres boıynsha 400-500 komanda bar, - deıdi AQSh quramasynyń jattyqtyrýshysy Stıven Barred.
Qonaqtar qaraǵandylyq palýandardyń ózindik stıli bar ekenin atap aıtýda. Sondaı-aq olarmen bir kilem ústinde kúresý - jańa tásilderdi úırenýge tamasha múmkindik ekenin aıtady.
- Amerıkalyqtar ózderiniń tózimdiligimen erekshelenedi, olardyq kúres mektebi sondaı. 2015 jyly Álem chempıonatynda men amerıkalyq palýanmen kúresip, odan jeńilip qalǵan bolatynmyn, al búgin jeńiske jetip otyrmyn, - deıdi 2013 jylǵy jasóspirimder arasyndaǵy álem chempıony, qaraǵandylyq palýan Darhan Qalkenov.
Úsh matchtyq kezdesý qorytyndysy boıynsha qaraǵandylyq sportshylar jeńiske qol jetkizdi. Buǵan qosa Amerıkadan kelgen qonaqtar úılerine Dostyq Kýbogyn alyp ketti.
