Qaraǵandylyq otbasylar bir kúnderin kitaphanada ótkizdi
QARAǴANDY. QazAqparat – Qaraǵandy oblysy Nura aýdanynyń Baıtýǵan aýylynda kitaphanashylar otbasymen birge kitap oqý úrdisin qalyptastyrýda. «Rýhanı Jańǵyrý» baǵdarlamasy boıynsha munda «Búkil otbasymen kitaphanaǵa» aktsııasy ótkizildi, dep habarlaıdy QazAqparat.
Kezdesý bastamashylary adamnyń mádenı damýy úıdegi tárbıege, otbasynda týyndaıtyn dástúrlerge baılanysty ekendigin atap ótti. Kitaphanashylar atalmysh sharany Otbasy kúni merekesinde uıymdastyrýy da bekerden emes. Oqý zalyna kelgen aýyl turǵyndaryna merekeniń tarıhy týraly aıtyldy. Jınalǵandar otbasylyq baıqaýlar men vıktorınalarǵa qatysty. Balalar úlkendermen birge jumbaqtar men rebýstar sheshti. Ata-analar balalarmen birge, al ájeler nemerelerimen qosylyp, otbasy birliginiń nyshany retinde óz alaqandaryn sýretke salyp, onda tilekterin jazdy.
Shara sońynda barlyq qatysýshylar ózderiniń otbasy aǵashyn «ósirip shyǵardy».
