Qaraǵandylyq otbasy bir túnniń ishinde dalada qaldy
QARAǴANDY. QazAqparat - Monshadan shyqqan órt úıdi de sharpyp, sonyń saldarynan qys ortasynan tórt adamnan turatyn otbasy músheleri baspanasyz qaldy, dep habarlaıdy «QazAqparat» HAA tilshisi.
«Kóz aldymyzda búkil dúnıe-múlkimiz janyp ketti. Kózdy ashyp jumǵanda baspanasyz qaldyq»,-deıdi Elena Matveeva.
Onyń aıtýynsha órt túngi 2-00-der shamasynda shyqqan.
«Kúıeýim bárimizdi oıatty. Dalaǵa ish kımmen júgirip shyqtyq. Tipti qujattarymyzdy da alyp úlgermedik. Jıǵan-tergenimiz, barlyq qujattarymyz túgel janyp ketti»,-deıdi ol.
Qazir órtten zardap shekken otbasy kórshiniń úıinde turyp jatyr. Úıdi qalpyna keltirýge qarjylary joq. Mańaıdaǵy kórshiler qolda bar kómekterin aıamaı, jylý jınaý ústinde.
Bul otbasyǵa bıýdjetten de qarjy qarastyrylmaǵan. Sebebi rezervtik qordyń kómegi tek sý tasqyny, úıdiń qulaýy sııaqty tabıǵı apattardan zardap shegýshilerge ǵana beriledi. Al bul órt kádimgi abaısyzdyqtan bolǵan oqıǵa retinde tabıǵı apattar qataryna jatpaıtyn kórinedi.
