Qaraǵandylyq órt sóndirýshiler jumystan jappaı ketip jatqan joq - TJD
QARAǴANDY. QazAqparat - Oblystyq tótenshe jaǵdaılar departamenti óńirdegi órt sóndirýshiler jappaı jumystan ketip jatyr degen aqparatqa túsinik berdi, dep habarlaıdy QazAqparat.
Oblystyq tótenshe jaǵdaılar departamentiniń basshylyǵy 52 júrgizýshi men 44 órt sóndirýshi laýazymdyq qyzmetiniń bos turýy - bul máselege mamandardyń jappaı jumystan ketýi emes, jaı ǵana kadrlyq almasý dep túsindirdi.
Eske sala keteıik, buǵan deıin Qaraǵandy oblysynyń órt sóndirý bólimshelerinde órt sóndirýshiler men órt sóndirgish kólikterdiń júrgizýshileri jappaı jumystan shyǵyp jatyr dep habarlanǵan bolatyn .
Qaraǵandy oblysy TJ departamenti baspasóz qyzmetiniń málimetinshe, shtattyń tolyq quramy úshin 44 órt sóndirýshi jáne 52 órt sóndirý kólikteriniń júrgizýshi qyzmetkerleri kerek.
«Shtatty jasaqtaý úshin jarııalanǵan konkýrs 52 júrgizýshi men 44 órt sóndirýshiniń ornyn toltyrmaq. Bul jalpy shtattyń 5 paıyzynan da aspaıdy. Oblystyń osy saladaǵy jalpy shtattyq sany 2000 birlikti quraıdy. 2017 jyly 62 qyzmetker zeınet jasyna jetýine baılanysty qyzmetten bosatyldy», - delingen TJ departamentiniń baspasóz qyzmeti.
Jarııalanǵan konkýrs málimetterine sáıkes, órt sóndirýshiniń aılyǵy eńbek etken jyldaryna baılanysty 50 436 teńgeden, 76 097 teńgeni quraıdy.
