Qaraǵandylyq órt sóndirýshiler bıik ǵımarattardaǵy órtti qalaı sóndiretinin kórsetti
Tótenshe jaǵdılar departamentine osy baǵytta qosymsha jańa tehnıkalar jetkizildi. Olardyń arasynda zamanaýı janarmaı quıýshy tehnıka jáne ATs-5-40 Iveco Euro Cargo ML190 eki avtotsısternasy bar.
Sondaı-aq gaz-tútinnen qorǵaý kóligi men 9 metrlik kater jetkizildi. Qazirgi tańda ony Balqashqa jetkizý josparlanyp otyr, dep habarlaıdy QazAqparat tilshisi.
«Qys-2021» komandalyq-shtabtyq oqý-jattyǵýlary kezinde azamattyq qorǵaý qyzmetteri men quralymdarynyń qysqy kezeńdegi tótenshe jaǵdaılarǵa den qoıýǵa degen daıyndyǵyna tekserý júrgizildi. Mundaı jattyǵýlar jyl saıyn ótkiziledi. Bıyl úılestirý jáne basshylyq jónindegi shtab Qaraǵandyda ornalasqan. Tótenshe jaǵdaılar kezindegi is-qımyl algorıtmderin qutqarýshylar eki kún qatarynan - 11 jáne 12 qarashada pysyqtady.
Oqý-jattyǵýǵa qatysýshylardyń nazaryn TJD-niń eki jańa avtotsısternasy aýdardy. Bul eldegi alǵashqy osyndaı tehnıka. Árbir mashına sý eritindilerin kóbiktendirgishpen berý múmkindigi bar yqsham nemese sý búrkıtin VARIO órt sóndirý aspaly qondyrǵysynyń úsh birligimen jabdyqtalǵan. Bıik nysandardaǵy órtterdi sóndirý úshin avtotsısterna joǵary jyldamdyqty sý aǵynymen joǵary qysymdy Limens avtonomdy sorǵy qondyrǵysymen jabdyqtalǵan. Ony bir nemese birneshe basqa avtotsısternalarmen «aıdaý» arqyly jumys istegen kezde derbes jaýyngerlik birlik retinde, sondaı-aq sorǵy qondyrǵysy retinde paıdalanýǵa bolady. Órt sóndirýshiler bul mashınanyń qalaı jumys isteıtinin kórsetti.
«Oqý-jattyǵýdyń negizgi mindeti – qysqy kezeńdegi TJ qaýpi nemese onyń týyndaýy jaǵdaıynda kúshter men quraldardyń is-qımylǵa daıyndyǵyn baǵalaý. Oblysta qar basatyn 590 ýchaske baqylaýǵa alyndy. Olar bizge, ІІM organdaryna, jol qyzmetine belgili. Olardyń jalpy uzyndyǵy 705 shaqyrym. Jalpy oblys boıynsha qys mezgilinde tótenshe jaǵdaılardyń aldyn alý jáne joıý úshin 3 myńǵa jýyq adam men túrli uıymdardyń 1 300 birlik tehnıkasyn tartý josparlanýda», – dedi TJD bastyǵy Murat Qatpanov.
«Qys-2021» sharasyna apattyq-qutqarý qyzmetteriniń quramyna kiretin QR TJM aýmaqtyq bólimsheleriniń jedel-qutqarý quramalary, QR TJM 52859 áskerı bólimi qatysty. Olardyń barlyǵy qolda bar kúshter men quraldardyń daıyndyǵyn kórsetti. Dalalyq basqarý pýnktiniń jumysyn kórsetti, onda qajetti baılanys túrlerimen jabdyqtalǵan shtabtyq shatyr, medıtsınalyq qamtamasyz etý, tamaqtaný, jylytý jáne psıhologııalyq kómek pýnktteri ashyldy. Sondaı-aq ótimdiligi joǵary avtomashınalar bazasyndaǵy jyljymaly baılanys toraptarynyń múmkindikteri kórsetildi.
Tájirıbelik is-sharalar sheńberinde Qaraǵandy oblysynyń Azamattyq qorǵaý apattyq-qutqarý quramalarynyń, jyljymaly basqarý pýnktiniń jáne shatyr lageriniń daıyndyq baıqaýlary ótkizildi.
