Qaraǵandylyq ónertapqysh toqpen jumys isteıtin kúbi jasady
Kúbiniń basty ereksheligi – ondaǵy ónim mınýtyna 60-70 ret shaıqalady.
«Kúbi daıyndaý ıdeıasy qymyzdyń emdik qasıetine baılanysty oıǵa keldi. Ol ádette qolmen daıyndalady. Stýdentim ekeýmiz jumysty qalaı jeńildetý týraly oıladyq. Oǵan kúbiniń dızaıny týraly aıttym. Sodan keıin elektr qýatynyń kómegimen qymyz daıyndaý kezeńdiligi men rejımin buzbaı kúbini qurdyq», - deıdi Málik Haırolla.
Solaı, alǵashqy model jasalǵan. Degenmen, synaq barysynda kúbiniń dızaınyn birneshe ret ózgertýge týra kelgen.
Al ónertapqyshtyń taǵy bir shákirti jel energııasymen jumys isteıtin kúbi jasap shyǵarýdy sheshken.
«Biz ony synap kórdik. Ol da jumys isteıdi. Óz ónertabystarymyzǵa patent alǵymyz keldi. Ádilet mınıstrligine júgindim. Ol kezde avtorlyq quqyq týraly zań áli qabyldanǵan joq edi. Men ónertabysty tirkedim, keıbir qujattardy aldym. Biraq sonymen toqtap qaldym. Ne degenmen, patent alýǵa bir qadam jaqynmyn dep aıta alamyn», - dep túsindiredi ónertapqysh.
Málik Haırolla qazaq halyq aspaptary men turmys zattarynyń sheberi retinde de tanymal. Ol qobyz, dombyra, astaý, at ábzelderin jasaıdy. Onyń sheberhanasynda tas dıirmeni de bar. Óziniń alǵashqy dombyrasyn Málik Haırolla jetinshi synypta oqyp júrgende jasaǵan.
«Ákem de, meniń barlyq atalarym da sheberler bolǵan. Maǵan olardan osy darynym men týǵan jerge degen mahabbat berilgen. Keıde men shabyttanyp otyryp bir nárse jasaımyn, al keıde bir nárseni qaıtalap, qaıta quryp, jaqsartýmen aınalysamyn. Kóp ádebıet oqımyn», - deıdi sheber.
Málik Haırolanyń alǵa qoıǵan kóptegen josparlary bar. Ol kóshpeli hannyń arbasyn qalpyna keltirip, kıiz úıdiń etnografııalyq negizin saqtap qalatyn kóshpeli murajaı uıymdastyrǵysy keledi.
