Qaraǵandylyq ónerkásip oryndary 2 trln teńgeden astam somanyń ónimin óndirdi
QARAǴANDY. QazAqparat - Qaraǵandy oblysy 2018 jyldy jaqsy nátıjelermen aıaqtap keledi. Áleýmettik-ekonomıkalyq damýdyń barlyq kórsetkishteri boıynsha ósim baıqalyp otyr, dep habarlaıdy óńir basshysynyń resmı saıty.
Ol jaıly aımaq basshysy Erlan Qoshanov oblystyq máslıhattyń HH sessııasynda málimdedi.
- 11 aı aralyǵynda negizgi áleýmettik-ekonomıkalyq kórsetkishterdiń dınamıkasyna qol jetkizildi. Ónerkásipte 2,3% ósim bar - 2 trln teńgeden astam somaǵa ónim óndirilgen. Aýyl sharýashylyq ónimderiniń óndirisi 4,2% ósti. 362 myń sharshy metr turǵyn úı qoldanysqa berildi. Ol ótken jyldyń osy merzimimen salystyrǵanda 1,8%-ǵa joǵary, - dep atap ótti oblys ákimi.
Negizgi kapıtalǵa ınvestıtsııalar 110 mlrd teńgege nemese 26,6% ulǵaıdy. Shaǵyn bızneste de ósim bar, bul salada qazirgi tańda 84 myńnan astam sýbektiler qyzmet etedi.
- Ekonomıka ósýiniń oń dınamıkasy bizge jyl sońynda tolyq kólemde barlyq áleýmettik mindetterdi oryndaýǵa, sondaı-aq damý bıýdjeti jobalarynyń qarjylandyrýyn oryndaýǵa múmkindik beredi, - dedi Erlan Qoshanov.
