Qaraǵandylyq oqýshylar jasandy saýsaq oılap tapty

Onyń qyzmeti qarapaıym, ári óte qolaıly. Ásirese, múmkindigi shekteýli jandar úshin bul taptyrmas protez. Ónertapqyshtar endi alǵashqy týyndylaryn saýsaǵy joq búldirshinniń birine syıǵa tartqaly otyr. Balalar áýeli jasandy qoldyń jobasyn kompıýterge salady. Sosyn ony 3-D prınterinde quıyp, keıin bólshekterdi bir-birine qosyp, jınaıdy. Al protez qoldyń bilezik býynyna bektiledi. Osylaısha bulshyq ettiń qozǵalysymen saýsaqtar búgiledi. Qazir oqýshylar onyń basqa túrin jasap jatyr.

 «Qazirgi jasap jatqan qol budan da jaqsy bolady jáne ol kishkene basqa tásilmen jasalǵan. Oǵan basqa materıaldar kerek jáne ol kádimgi adamnyń saýsaqtaryndaı bolady, ári jaqsy qozǵalatyn bolady», - deıdi qazaq-túrik lıtseıiniń oqýshysy Álisher Smaǵulov.

Oqýshylar bul ónertabystaryn «Bıonıka» baǵdarlamasy arqyly júzege asyrǵan. Al mektep ákimishiligi aldaǵy ýaqytta balalarǵa «Qoldanbaly neırofızıologııa» kýrsyn oqytýdy da kózdep otyr. Máskeýlik ǵalymdar onlaın júıesinde dáris oqıdy. Sondaı-aq lıtseıde jańa zerthana ashý josparda.

«Aldaǵy ýaqytta osy mehanıkalyq jaǵdaıda jumys isteıtin protezderdiń neıromodeldeý arqyly, kádimgi mıdyń sıgnaldary arqyly qoldardyń ózinen-ózi jumys isteýin jasaǵymyz keledi. Aldaǵy ýaqytta osyǵan baılanysty neıromodelıst laboratorııasyn satyp alamyz, osymen jumys jasaıtyn bolamyz», - dep atap ótti qazaq-túrik lıtseıiniń dırektory Qazybek Elýbaev.

Lıtseı ishinde qaıyrymdylyq klýby jumys isteıdi. Keleshekte onyń músheleri protezge muqtaj jandardy izdep taýyp, jasandy saýsaqty syıǵa tartpaqshy. Al daryndy jastar alǵashqy ónertabystaryn tapsyratyn balany tapty. Onyń eki saýsaǵy ǵana bar. Qazir protezdiń sońǵy jumystary qaldy. 

Derekkóz: «Habar 24» telearnasy