Qaraǵandylyq oqýshylar STEM respýblıkalyq olımpıadasynda júldeger atandy

QARAǴANDY. QazAqparat - STEM respýblıkalyq olımpıadasynda qaraǵandylyq oqýshylar gran-prı, úshinshi oryn jáne eki yntalandyrý medalin jeńip aldy, dep habarlaıdy QazAqparat oblys ákimdiginiń resmı saıtyna silteme jasap.

Qaraǵandy oblysynan oǵan barlyǵy 10 komanda qatysty, onyń quramynda 37 oqýshy boldy.

Nur-Sultanda respýblıkalyq STEM olımpıadasynyń qorytyndysy shyǵaryldy.

Olımpıadanyń fınaly 27-28 qarashada Quantum STEM School-da ótti. Oǵan 470 adam qatysty.

Jarystyń barlyq týrlarynyń qorytyndysy boıynsha bas júldeni Qaraǵandy qalasynyń «Daryn» mamandandyrylǵan mektep-ınternatynyń 17 jastaǵy oqýshysy Asanáli Almaz jeńip aldy.

– Men 11-synypta oqımyn. Bolashaqta ekonomıst bolǵym keledi. Frantsııada oqýdy josparlap otyrmyn. STEM olımpıadasyna birneshe márte qatystym. Jyldan jylǵa tapsyrmalar kúrdelene túsetini jáne qyzyqty bolatyny qýantady. Osy olımpıadadaǵy úı tapsyrmasy retinde biz robot jasaýymyz kerek edi. Elordada biz aldymen testterdi sheshtik, sodan keıin robottarymyz qyzyl jáne sary jaryqqa toqtaıtyn rallı ótti, arqan tartyp, arıfmetıkalyq esepteýler kómegimen salynǵan, aǵash taıaqshalardan jasalǵan kópirdi beriktikke synap kórdi, – deıdi Asanáli.

Júldegerler qatarynda «Daryn» MMI-tyń taǵy bir tárbıelenýshisi Edil Sabdaly da bar. Ol qola medal jeńip aldy.

Sondaı-aq, qaraǵandylyq oqýshylar qorjynynda eki yntalandyrý medali bar.

Olarǵa Nyǵmet Nurmaqov atyndaǵy mamandandyrylǵan mektep-ınternatynyń jáne Shákárim atyndaǵy gımnazııanyń oqýshylary Arǵynǵazy Baqdáýlet jáne Mıhaıl Vostrıkov ıe boldy.