Qaraǵandylyq oqýshylar kıiz úı tigýdi úırendi
QARAǴANDY. QazAqparat - Abaı atyndaǵy Qaraǵandy oblystyq balalar kitaphanasy kıiz úıdi tigýge qatysty trenıngter ótkizip jatyr, dep habarlaıdy QazAqparat tilshisi.
Oqýshylarǵa arnalǵan «Etnokonstrýktor» oıyny halyq mádenıetin, tarıh pen rýhanı murany nasıhattaýǵa baǵyttalǵan «Qazaqtaný» jobasy aıasynda ázirlengen.
Oıyndy óz kózderimen kórip, tanysýǵa №16 orta mektebiniń bastaýysh synyp oqýshylary jınaldy. Kelgen balalarǵa qazaq tarıhy týraly baıandaldy. Olardy kıiz úıdiń negizgi bólikterin tanystyrdy. Sonan soń oqýshylar mamandardyń jetekshiligimen ekologııalyq taza materıaldardan jasalǵan «kıiz úı» etnokonstrýktoryn qurastyrdy.
Kıiz úıdiń shańyraǵy otbasylyq jádiger bolyp sanalyp, urpaqtan-urpaqqa berilip otyrǵan. Kıiz úı halqymyzdyń kóshpendi ómiriniń bolmysyn kórsetedi jánede onyń qaı jaǵynan qarasań da utymdylyǵy basym. Sýyqtan da, ystyqtan da qorǵaı alatyn jaqsy qasıetterge ıe baspana bolǵan.
