Qaraǵandylyq oqýshylar halyqaralyq baıqaýdan alty medal jeńip aldy

QARAǴANDY. QazAqparat – Ómirbek Joldasbekov atyndaǵy matematıka jáne mehanıka boıynsha zertteý jumystarynyń XII Halyqaralyq baıqaýynda qaraǵandylyq oqýshylar alty marapatqa ıe boldy, olardyń ishinde bir kúmis jáne bes qola bar. Bıyl oǵan Qazaqstannyń barlyq óńirlerinen, sondaı-aq Tájikstan men Qyrǵyzstannan 168 adam qatysty, dep habarlaıdy QazAqparat tilshisi.

Jas zertteýshiler men dál ǵylymdardy súıetinder matematıkadan, qoldanbaly matematıkadan, mehanıkadan jáne ekonomıkadaǵy matematıkalyq ádisterden óz bilimderi men daǵdylaryn kórsetti.

Oblys namysyn toǵyz daryndy joǵary synyp oqýshylary qorǵady. Ekinshi oryndy «Murager» MMI oqýshysy Alıka Aıdarǵalıeva ıelendi. Úshinshi oryn – Abaı atyndaǵy mektep-gımnazııasynyń oqýshylary Ádil Garıpýlaev, № 1 BIL orta mektebiniń oqýshylary Arsen Zeınǵabyl men Qazbek Kalıkov, Jambyl atyndaǵy orta mekteptiń oqýshylary Lázzat Erenǵaıyp jáne J. Aqylbaev atyndaǵy Shet aýdandyq mektep-gımnazııasynyń oqýshylary Arýjan Temirjan.

«Meniń jobam «Anıme stılindegi bloknot satý bıznesi» dep atalady. Men byltyr daıyndala bastadym. Jumys óte aýyr jáne qıyn boldy, biraq maǵan jetekshilerim kómektesti. Óz jobamda anıme ónimderin satý boıynsha qoldanystaǵy bıznes týraly aıttym. Sondaı-aq, men qarapaıym ekonomıkalyq formýlalardy qoldana otyryp, shyǵyndar men shyǵystardy, satýdan túsken kiristerdi jáne t. b. eseptedim. Sondaı-aq, jobanyń plıýsteri men mınýsteri jáne bolashaq josparlar eskerildi. Bul men úshin jaqsy tájirıbe boldy», – deıdi «Murager» MMI 9-synyp oqýshysy Alıka Aıdarǵalıeva.

Zııatkerlik saıys ǵylymǵa qumar daryndy joǵary synyp oqýshylaryn anyqtaýǵa jáne olardy matematıkalyq bilim berý salasynda qoldaýǵa kómektesedi.