Qaraǵandylyq oqýshylar balalar úıi tárbıelenýshilerine baǵdarlamalaý negizderin tegin úıretedi
Balalar úıiniń tárbıelenýshilerin baǵdarlamalaýǵa oqytý boıynsha áleýmettik jobanyń bastamashysy – 12-synyp oqýshysy Tomırıs Madıeva. Ol ZHAS PROJECT – 2022-den óz jobasyn júzege asyrý úshin grant alǵan. Qyz bala qajetti qural-jabdyqtar satyp alyp, mektep klýbynyń eriktilerimen birge oqý josparyn jasady jáne osy senbide sabaq ótkizýge kirispek.
«Nazarbaev Zııatkerlik mektebi «Meıirimdilik kópiri» klýbynyń pedagogtary men eriktileri Qaraǵandy balalar úıiniń damýynda kesheýildeý bar tárbıelenýshilerine arnalǵan áleýmettik jobany iske asyrý boıynsha jumysty bastady«, – deıdi NIS-ten. - Jaqynda 9-11 synyp oqýshylarynan quralǵan volonterler ınformatıka muǵalimderi Áıgerim Ábdikasheva, Lıýdmıla Ýstınova jáne klýb jetekshisi Gúlnar Seıitovanyń basshylyǵymen uıymdastyrýshylyq aqparattyq kezdesý ótkizdi. Olar balalar úıiniń tárbıelenýshilerin kýrstyń josparymen jáne mazmunymen tanystyrdy».
Sondaı-aq, eriktiler balalardy biriktirýge baǵyttalǵan trenıngter ótkizdi, olar bir-birimen jaqynyraq tanyp, qyzyǵýshylyqtary týraly aıtyp, bolashaq josparlary jáne armandarymen bólisti.
«Jobanyń arqasynda eriktiler Peer to Peer ádisi boıynsha oqytý tájirıbesine ıe bolady, naqty is-áreketterde áleýmettik tájirıbege ıe bolady, belsendi ómirlik ustanymy bar tulǵa retinde damıtyn bolady», - dep atap ótti eriktiler klýbynyń jetekshisi Gúlnar Seıitova.