Qaraǵandylyq oqýshy matematıkadan eki halyqaralyq olımpıadanyń júldegeri atandy
QARAǴANDY. QazAqparat – Qaraǵandylyq Rahym Baımurzın matematıkadan eki halyqaralyq olımpıadanyń júldegeri atandy, dep habarlaıdy QazAqparat tilshisi.
Qaraǵandy qalasynyń Nazarbaev Zııatkerlik mektebiniń oqýshysy Rahym Baımurzın XXXIII halyqaralyq Azııa-Tynyq muhıt matematıkalyq olımpıadasy jáne HH Halyqaralyq «Jibek joly» matematıkalyq olımpıadasyna qatysty
Ol Halyqaralyq Azııa-Tynyq muhıt matematıkalyq olımpıadasynyń kúmis júldegeri atandy. «Jibek joly» olımpıadasynda úshinshi oryn aldy.
Bıyl Azııa-Tynyq muhıt matematıkalyq olımpıadasyna 38 eldiń ókilderi qatysty: Argentına, Aýstralııa, Kanada, Gonkong, Indonezııa, Japonııa, Qazaqstan, Koreıa, Qyrǵyzstan, Malaızııa, Meksıka, Jańa Zelandııa, Fılıppın, Reseı, Sıngapýr, Shrı-Lanka, Taıvan, Tájikstan, Túrikmenstan, AQSh, Túrkııa jáne t. b.
«Jibek joly» Halyqaralyq matematıkalyq olımpıadasyna Uly Jibek joly boıynda ornalasqan elderdiń: Qytaı, Túrkııa, Qazaqstan, Ózbekstan, Qyrǵyzstan, Túrkimenstan jáne t. b. oqýshylary qatysty.
