Qaraǵandylyq oqýshy Kıprde ótken matematıka olımpıadasynda qola enshiledi

QARAǴANDY. QazAqparat – Qaraǵandylyq oqýshy Rahym Baımýrzın kezekti zııatkerlik jetistikke qol jetkizdi. Ol Kıprde ótken 38-shi Balqan matematıka olımpıadasynda qola medal utyp aldy, dep habarlaıdy QazAqparat tilshisi.

Bilim básekesine 18 elden jınalǵan jas matematıkter qatysty. Qazaqstan namysyn Nur-Sultan, Almaty jáne Qaraǵandydan 6 ókil qorǵady. Olar bir kúmis jáne tórt qola medal utty.

Qola júlde ıegerleri arasynda qaraǵandylyq Rahym Baımýrzın de bar. Ol Nazarbaev zııatkerlik mektebiniń 12-shi synybynda oqıdy.

Oqý ornynda atap ótkendeı, osy jyl Rahym úshin óte jemisti boldy. Jas matematık kóptegen respýblıkalyq jáne halyqaralyq zııatkerlik saıystarda jaqsy nátıjeler kórsete aldy. Rahym XVII Halyqaralyq Jáýtikov

olımpıadasynyń jáne Halyqaralyq Azııa-Tynyq muhıty matematıkalyq olımpıadasynyń kúmis júldegeri atansa, «Jibek joly» Halyqaralyq matematıka olımpıadasynda jáne 62-shi Halyqaralyq matematıka olımpıadasynda qola enshiledi.