Qaraǵandylyq oqýshy keme modelin jasaýdan álem chempıonatynda jeńimpaz atandy
QARAǴANDY. QazAqparat - Qaraǵandylyq keme modelin jasaýshy oqýshy álem chempıonatynda jeńimpaz atandy. Qaraǵandylyq keme modelin jasaýshylar Reseıde ótken álem chempıonatynda 5 júldege qol jetkizdi, dep habarlaıdy oblystyq dene shynyqtyrý jáne sport basqarmasynyń baspasóz qyzmeti.
Keme modelin jasaý sportynyń «S» synybynda kóshirme modelder jasaýdan álem chempıonaty Kalınıngrad qalasyndaǵy dúnıejúzilik muhıt murajaıynda ótti. Keme modelin jasaý sportynyń halyqaralyq federatsııasy (shtab-páteri Avstrııada ornalasqan) model kóshirmelerin jasaýdan 8 tehnıkalyq synyp boıynsha jarys ótkizdi (kemeniń kólemin 40-200 santımetrge deıin naqty kóshirý). Uıymdastyrýshylardyń habarlaýynsha, chempıonatqa Frantsıı, Germanıı, Shveıtsarıı, Qytaı, Reseı, Ýkraına, Qazaqstan sekildi jıyny 15 elden 200-den astam keme modelin jasaýshy qatysty.
«Qazaqstannan 6 sportshy qatysty, olardyń barlyǵy Qaraǵandy tehnıkalyq sport túrleri mektebiniń oqýshylary. El quramasy 5 medal aldy, onyń biri altyn, biri kúmis, qalǵan úsheýi qola, - dep habarlaıdy sport basqarmasy. - S-6 synyby boıynsha chempıonatta (qozǵaltqyshtary bar modelder) qaraǵandylyq Rýslan Brýner jeńimpaz atandy. Ekinshi orynda S-7 synyby boıynsha (karton jáne qaǵazdan jasalǵan modelder) Maksım Shtýlberg . Qola júldeni Alekseı Shývarov (mınıatıýra 250:1), Alekseı Smırnov (S-6) jáne Aleksandr Skorıýpın (S-7) aldy».
Barlyq jeńimpazdar QR halyqaralyq synyptaǵy sport sheberi júktemelerin oryndady. Olardy Sergeı Okonechnıkov jattyqtyrady.
