Qaraǵandylyq oqýshy Halyqaralyq matematıka olımpıadasynyń júldegeri atandy
QARAǴANDY. QazAqparat – Qaraǵandy qalasyndaǵy Nazarbaev Zııatkerlik mektebiniń 11-synyp oqýshysy Raqym Baımýrzın 62-shi Halyqaralyq matematıka olımpıadasynyń (IMO) qola medalin jeńip aldy, dep habarlaıdy QazAqparat tilshisi .
Bıylǵy jyly jas matematıkterdiń jarysy onlaında ótti. Olımpıadaǵa álemniń 107 elinen 600-den astam oqýshy qatysty. Qaraǵandylyq Raqym Baımýrzın alty adamnan turatyn qazaqstandyq komandaǵa endi. Qurama alty medalǵa ıe boldy: bir altyn, úsh kúmis jáne eki qola.
«Tapsyrmalar qıyn boldy. Nátıjesi qanaǵattandyrdy. IMO-da 2022 jyly óner kórsetip, óz deńgeıimdi kórsete alamyn dep úmittenemin», – deıdi Raqym Baımýrzın.
Jas matematıktiń kóptegen jetistikteri bar. Ol XVII Halyqaralyq Jáýtikov jáne Halyqaralyq Azııa-Tynyq muhıt matematıka olımpıadalarynyń kúmis júldegeri, «Jibek joly» halyqaralyq matematıkalyq olımpıadasynyń qola júldegeri. Nazarbaev Zııatkerlik mektepteriniń jelilik olımpıadasynda jáne jalpy bilim beretin pánder boıynsha respýblıkalyq olımpıadada ekinshi oryn alǵan.
