Qaraǵandylyq oqýshy «Abaı joly» negizinde ústel oıynyn jasady

QARAǴANDY. QazAqparat – Qaraǵandy qalasyndaǵy Nazarbaev Zııatkerlik mektebiniń 11-oqýshysy Tomırıs Baqyt Muhtar Áýezovtiń «Abaı joly» roman-epopeıasy negizinde Absolutely obsolete ústel oıynyn jasady, dep habarlaıdy QazAqparat tilshisi.

Bul oıyn jas býynǵa bos ýaqytyn qyzyqty ótkizip qana qoımaı, qazaq ádebıeti men etnomádenıetin tereń túsinýge kómektesedi. Avtorǵa ústel oıynyn jasaý ıdeıasy «Abaı joly» romanyn oqý barysynda kelgen.

«Abaı jolynyń» birinshi tomyn oqyǵanda kóp sózder men salt-dástúrlerdi túsinbedim. Qatarlastarymnan surastyrǵanda, olarda da osyndaı másele bar ekenin bildim. Sol sebepti, shyǵarmany túsinip oqyp, sózdik qordy arttyrý maqsatynda osyndaı ústel oıynyn jasap shyqtym», - deıdi Tomırıs.

Aldaǵy ýaqytta ol jetekshisi Baqyt Mekeevamen birge jobany jetildirýdi kózdep otyr.

«Roman-epopeıadaǵy keıipkerler men rýlar jaıly bólim engizýdi josparlap otyrmyz. Ashyp aıtqanda, rýlas keıipkerledi anyqtaıtyn, keıipkerlediń shyǵarmadaǵy rólin, olar qatysqan oqıǵalar jaıly suraqtar bar kartalar qossaq deımiz», - deıdi oqýshy.

Absolutely obsolete ústel oıynynda qazir 60 karta bar.