Qaraǵandylyq muraǵa qalǵan qarýdy tapsyrǵany úshin 167 myń teńge syıaqy alady
QARAǴANDY. QazAqparat - Qarqaraly aýdanynyń turǵyny atasynan mura bolyp qalǵan qarýdy óz erkimen tapsyrsa 167 myń teńgege jýyq qarajatty qaltasyna baspaq, dep habarlady Qaraǵandy oblystyq ІІD baspasóz qyzmetinen.
Aǵymdaǵy jyldyń 21-shi sáýirinen bastap Qaraǵandy oblysy aýmaǵynda respýblıkalyq zańsyz saqtalǵan atys qarýyn, oq-dárini jáne jarylǵysh zattardy azamattardyń erikti túrde ótemdi tapsyrý aktsııasy bastalǵan. Maqsat - qarýdy qoldaný arqyly jasalatyn qylmystarǵa tosqaýyl bolý.
Aktsııa bastalǵaly Qaraǵandy oblysynyń turǵyndary 80 zańsyz saqtalǵan atys qarýyn tapsyrdy, onyń ishinde ıir oıyqty qarý - 19 birlik, tegis uńǵyly - 60, 5,6 mm kalıbrli sholaq qarýdyń- 1500 dana oǵy alyndy.
Osylaısha, Qarqaraly aýdanynyń turǵyny qarý saqtaýǵa ruqsaty bolmaǵannan keıin atasynan mura retinde qalǵan 3 myltyqty tapsyrýǵa bel býǵan. Osy qarýlar úshin azamat 167 myń teńgege jýyq qarajat alady.
ІІD azamattan zańsyz saqtalǵan qarýlardy tártip saqshylary anyqtaǵan jaǵdaıda ol ákimshilik jáne qylmystyq jaýapkershilikke tartylatynyn, al aktsııa kezinde erikti túrde tapsyrylǵan qarýlarǵa memleket tarapynan syıaqy men ákimshilik jáne qylmystyq jaýapkershilikten bosatylatynyn eske salady.
