Qaraǵandylyq qutqarýshylar dala órtin sóndirýde sheberlik shyńdady

QARAǴANDY. QazAqparat – Qaraǵandy oblysynyń Aqtoǵaı aýdanynda tabıǵı órtti sóndirý boıynsha oqý-jattyǵý ótti. Aldyn ala qurylǵan jospar boıynsha, týrıster sóndirmeı ketken ottyń saldarynan dalaǵa órt jaıylyp, jalyn orman aýmaǵyn sharpyǵan.

Oqý-jattyǵý barysynda kásibı qutqarýshylar, erikti jasaqtar, tabıǵat qorǵaý qyzmetteri jáne basqa da vedomstvolar ózara is-qımyldy pysyqtady. 160-tan astam adam men 24 tehnıka jumyldyryldy.

Shartty órt 350 ga aýmaqqa jaıyldy, jalyndy orman órtterin sóndirý stantsııasynyń qyzmetkerleri anyqtady. Ǵaryshtyq monıtorıng arqyly ottyń taralýy týraly rastaý keledi. Sonan soń órt sóndirýshiler túrli ýchaskelerge bólinedi.

Jattyǵý qorytyndysy boıynsha jaýyngerlik daıyndyq deńgeıi taldandy. Jalpy mamandardyń jumysyna oń baǵa berildi.