Qaraǵandylyq qutqarýshylar balalar úıiniń jetkinshekterin merekemen quttyqtady

QARAǴANDY. QazAqparat – Qaraǵandy oblysy TJ departamenti damý múmkindigi shekteýli balalar úıiniń tárbıelenýshilerin kele jatqan Jańa jylmen quttyqtady, dep habarlaıdy QazAqparat tilshisi.

Olar jaı ǵana syılyq tapsyrýmen shektelip qalǵan joq. Qonaqqa órt sóndirýshiler men qutqarýshylar tolyq jaýyngerlik kıim-keshekpen keldi.

Olar balalarǵa óz mamandyǵy týraly aıtyp, jabdyqtaryn kórsetti jáne zardap shegýshige alǵashqy kómek kórsetý boıynsha sheberlik sabaǵyn ótkizdi.

Balalar qutqarý kıimin kıip kórdi, qaýipsizdik týraly suraqtaryna jaýap aldy jáne osy myqty jáne batyl adamdardyń jumysyna qyzyǵýshylyq tanytty.

Eń belsendileri kádesyı aldy.

TJ departamenti balalar úıi kitaphanasynyń qoryna kitaptar syılaǵany balalar úshin tosyn syı boldy.

Tátti syılyqtar da boldy.

«Jańa jyl – sıqyrly mereke. Bul ýaqytta balalar ǵajaıyp kútedi jáne ertegige senedi. Balalar úıinde tárbıelenip jatqan balalarǵa óz mahabbatymyzdyń bir bóligin syılaý, jyldyń basty merekesin odan da baqytty jáne meıirimdi etý bizdiń qolymyzda», – dep atap ótti qutqarýshylar.