Qaraǵandylyq qutqarýshy gir kóterýden halyqaralyq jarysta jeńimpaz atandy
QARAǴANDY№ QazAqparat – Qaraǵandylyq qutqarýshy Aleksandr Komarov kásipqoılar arasynda gir sportynan Álem Kýbogy kezeńinde altyn medalǵa ıe boldy. Halyqaralyq birinshilik Býdapeshtte (Vengrııa) ótti, dep habarlaıdy QazAqparat tilshisi,
Azamattyq qorǵaý aǵa leıtenanty Aleksandr Komarov №11 órt sóndirý bóliminiń ınjeneri, gir sportynan halyqaralyq dárejedegi sport sheberi. Qutqarýshy-sportshy respýblıkalyq birinshilikterde birneshe ret jeńiske jetti, Eýropa chempıony, Azııa oıyndarynyń chempıony, kásipqoılar arasyndaǵy álem chempıonattarynyń júldegeri.
«Álem Kýbogy kezeńinde Aleksandr Komarov ulttyq qurama sapynda óner kórsetti. Altyn medal oǵan jeltoqsan aıynda Rıgada (Latvııa) ótetin gir sportynan Álem Kýbogynyń fınalyna shyǵýǵa múmkindik berdi», - habarlady Qaraǵandy oblysy TJD baspasóz qyzmeti.
